کوئٹہ میں ریلوے ٹریک پر زوردار دھماکہ کینٹ سے جانے والی ٹرین کی متعدد بوگیاں پٹری سے اتر گئیں

 

کوئٹہ  بلوچستان کے دارالحکومت کوئٹہ میں چمن پھاٹک کے قریب کینٹ سے جانے والی مسافر ٹرین ریلوے ٹریک پر ہونے والے ایک خوفناک دھماکے کا شکار ہو گئی دھماکے کی شدت اتنی زیادہ تھی کہ ٹرین کی متعدد بوگیاں پٹری سے اتر گئیں، جس کے باعث علاقے میں شدید خوف و ہراس پھیل گیا

خودکش حملے کا خدشہ اور فائرنگ:

ابتدائی اطلاعات کے مطابق سیکورٹی ذرائع کا کہنا ہے کہ یہ واقعہ ایک خودکش حملہ ہو سکتا ہے دھماکے کے فوراً بعد جائے وقوعہ پر شدید فائرنگ کی آوازیں بھی سنی گئیں جس سے صورتحال مزید کشیدہ ہو گئی

امدادی کارروائیاں اور سیکورٹی ہائی الرٹ:

واقعہ کی اطلاع ملتے ہی سیکورٹی فورسز کی بھاری نفری اور ریسکیو ٹیمیں ایمبولینسز کے ہمراہ فوراً موقع پر پہنچ گئیں۔ سیکورٹی اہلکاروں نے پورے علاقے کو گھیرے میں لے کر سرچ آپریشن شروع کر دیا ہے جبکہ زخمیوں کو قریبی ہسپتالوں میں منتقل کرنے کا عمل جاری ہے ہسپتالوں میں ایمرجنسی نافذ کر دی گئی ہے

سیکورٹی حکام کا کہنا ہے کہ دھماکے کی نوعیت کا حتمی اندازہ لگایا جا رہا ہے اور تحقیقات کے بعد ہی اصل حقائق سامنے آ سکیں گے