سہیل آفریدی اور محسن نقوی کی خفیہ ملاقات کا انکشاف کابینہ میں توسیع کا پسِ پردہ محرک سامنے آ گیا

 

اسلام آباد/ سیاسی حلقوں میں ایک بڑا دھماکہ خیز انکشاف سامنے آیا ہے جہاں سہیل آفریدی اور وفاقی وزیر محسن نقوی کے درمیان ایک انتہائی اہم اور خفیہ ملاقات کی تفصیلات منظرِ عام پر آئی ہیں۔ ذرائع کے مطابق یہ ملاقات تقریباً دس دن پہلے ہوئی تھی، اور اسی ملاقات کے فوراً بعد ہی سہیل آفریدی کی جانب سے کابینہ میں توسیع کا بڑا فیصلہ سامنے آیا

ملاقات کا مقام اور شرکا 

ذرائع کا دعویٰ ہے کہ یہ اہم ترین خفیہ ملاقات بیرسٹر گوہر کے گھر پر ہوئی۔ اب تک موصول ہونے والی اطلاعات کے مطابق، محسن نقوی سے ہونے والی اس ملاقات میں سہیل آفریدی اور بیرسٹر گوہر کے ساتھ ساتھ بانی پی ٹی آئی عمران خان کی ایک ہمشیرہ بھی موجود تھیں۔ اس اعلیٰ سطحی شرکت نے ملاقات کی اہمیت کو مزید بڑھا دیا ہے

نورین خانم کی ممکنہ ملاقات کا امکان

سیاسی مبصرین اور ذرائع کے مطابق، مقتدر حلقوں فوج کی جانب سے عمران خان کی بہنوں میں سے ایک بہن کی ملاقات کروانے کا فیصلہ کیا گیا ہے اس حوالے سے غالب امکان ظاہر کیا جا رہا ہے کہ نورین خانم کی ملاقات کروا دی جائے گی اس پیشرفت کو آنے والے دنوں میں ملکی سیاست اور پی ٹی آئی کے مستقبل کے حوالے سے انتہائی اہم قرار دیا جا رہا ہے