ماسکو. روسی وزیرِ خارجہ سرگئی لاوروف نے مشرقِ وسطیٰ کی حالیہ صورتحال اور ایران پر دباؤ ڈالنے کے حوالے سے عرب ممالک کے دوہرے معیار کو سخت تنقید کا نشانہ بنایا ہے عرب سفراء کے وفد سے گفتگو کرتے ہوئے انہوں نے مغربی ممالک اور ان کے اتحادیوں کی پالیسیوں کا کچا چٹھا کھول دیا
سوشل میڈیا اور سفارتی حلقوں میں گردش کرنے والی اطلاعات کے مطابق، عرب سفراء نے روس سے مطالبہ کیا تھا کہ وہ خطے میں کشیدگی کم کرنے کے لیے ایران پر اپنا اثر و رسوخ استعمال کرے اور اسے روکے
عرب سفراء کے اس مطالبے پر روسی وزیرِ خارجہ نے انتہائی سخت اور دوٹوک ردِعمل دیتے ہوئے کہا
آپ چاہتے ہیں کہ ہم ایران کو روکیں۔ لیکن کیا آپ نے امریکہ اور اسرائیل کے اقدامات کی مذمت کی ہے
سرگئی لاوروف نے بات کو آگے بڑھاتے ہوئے عالمی برادری اور عرب ممالک کی خاموشی پر سوال اٹھایا اور ایک دردناک واقعے کی مثال دیتے ہوئے پوچھا
مثال کے طور پر، کیا آپ نے گزشتہ دنوں ہونے والی 17 طالبات کی موت کی مذمت کی ہے
عالمی سیاست میں دوہرے معیار پر تنقید
روسی وزیرِ خارجہ کا یہ بیان ایک ایسے وقت میں سامنے آیا ہے جب مشرقِ وسطیٰ میں اسرائیل اور امریکہ کی کارروائیوں پر عالمی سطح پر شدید تشویش پائی جاتی ہے ماہرینِ خارجہ امور کے مطابق، روس نے اس بیان کے ذریعے واضح کر دیا ہے کہ وہ خطے میں کسی یکطرفہ کارروائی یا دباؤ کی پالیسی کا حصہ نہیں بنے گا، اور اگر امن چاہیے تو تمام فریقین کو اپنے دوہرے معیار ختم کرنا ہوں گے
روسی وزیرِ خارجہ کے اس بیان نے سفارتی حلقوں میں ایک نئی بحث چھیڑ دی ہے اور اسے سوشل میڈیا پر بھی بھرپور طریقے سے شیئر کیا جا رہا ہے
No comments:
Post a Comment