گلگت بلتستان کا بڑا فیصلہ: 'جتنا دم لگا لو، یہ قوم بار بار 8 فروری دہرائے گی'

 

گلگت ۔ویب ڈیسک۔ گلگت بلتستان کی سیاسی فضا میں شدید ہلچل، عوامی حلقوں اور مقامی قیادت کی طرف سے سخت ردعمل سامنے آنے لگا گرفتاریوں صوبہ بدریوں اور انتخابی نشانات کی مبینہ چوری کے خلاف عوام نے واضح اعلان کر دیا

حالیہ سیاسی تناؤ اور انتظامی سختیوں پر بات کرتے ہوئے عوامی نمائندوں اور مقامی حلقوں کا کہنا ہے کہ ہر قسم کی پابندیوں اور ہتھکنڈوں کے باوجود عوام اپنے عزم پر قائم ہیں۔ سوشل میڈیا اور عوامی حلقوں میں یہ نعرہ شدت پکڑ رہا ہے کہ جتنا دم لگا لو یہ قوم تمہیں بار بار 8 فروری دے گی

انتخابی نشان کی چوریاں اور پابندیاں ناکام ہوں گی

مقامی ذرائع کے مطابق گلگت بلتستان کے عوام کا کہنا ہے کہ امیدواروں کے انتخابی نشانات کو نشانہ بنانا سیاسی رہنماؤں کو صوبہ بدر کرنا یا گرفتاریاں کرنا عوامی جذبے کو دبا نہیں سکتیں عوام نے عہد کر لیا ہے کہ وہ بیلٹ باکس کے ذریعے ان تمام اقدامات کا جواب دیں گے اور مخالفین کو عبرت ناک شکست سے دوچار کریں گے

8 فروری کا حوالہ کیوں؟

یاد رہے کہ 8 فروری عام انتخابات کو پاکستان کی سیاسی تاریخ میں ایک سنگ میل سمجھا جاتا ہے جہاں عوام نے تمام تر رکاوٹوں کے باوجود اپنے ووٹ کی طاقت کا بھرپور مظاہرہ کیا تھا۔ اب گلگت بلتستان کے عوام بھی اسی جذبے کو دہرانے کے لیے پرعزم دکھائی دے رہے ہیں

سیاسی مبصرین کا ماننا ہے کہ گلگت بلتستان میں بڑھتی ہوئی یہ سیاسی بیداری آنے والے دنوں میں مقامی سیاست کا رخ بدل سکتی ہے