اسلام آباد: پاکستان تحریک انصاف
PTI کی پارلیمانی پارٹی کے حالیہ اجلاس اور اس میں ارکان کی شرکت و عدم شرکت کے حوالے سے اہم ترین تفصیلات سامنے آئی ہیں اندرونی ذرائع کے مطابق اجلاس میں پارٹی کی صفوں میں واضح تقسیم اور تحفظات کھل کر سامنے آ گئے ہیں
92 میں سے صرف 52 ارکان شریک 40 غائب
ذرائع کا کہنا ہے کہ پی ٹی آئی پارلیمانی پارٹی کے اہم ترین اجلاس میں مجموعی طور پر 92 ارکان میں سے صرف 52 ممبران نے شرکت کی جبکہ 40 ارکان مختلف وجوہات کی بنا پر اجلاس سے غیر حاضر رہے اتنی بڑی تعداد میں ارکانِ اسمبلی کی عدم موجودگی نے سیاسی حلقوں میں کئی سوالات کو جنم دے دیا ہے
ناراض ارکان کا پیغام. حکومت گرانا مقصد نہیں
پارلیمنٹ ہاؤس کے گلیاروں سے ملنے والی خبروں کے مطابق اجلاس سے دوری اختیار کرنے والے ناراض ارکان نے پارٹی قیادت تک اپنا اہم پیغام پہنچا دیا ہے۔ ذرائع کا دعویٰ ہے کہ ناراض گروپ نے واضح مؤقف اپنایا ہے کہ ہم بہت جلد کھل کر سامنے آئیں گے اور اپنے تحفظات کا اظہار کریں گے تاہم ہمارا مقصد موجودہ حکومت کو گرانا ہرگز نہیں ہے
عدم شرکت کی وجوہات کیا ہیں
پارٹی ذرائع کے مطابق غیر حاضر رہنے والے 40 ارکان میں سے کچھ نے ذاتی اور سفری وجوہات کا عذر پیش کیا ہے جبکہ ایک بڑا دھڑا قیادت کے بعض فیصلوں اور موجودہ سیاسی حکمتِ عملی سے نالاں نظر آتا ہے سیاسی مبصرین کا ماننا ہے کہ اتنی بڑی تعداد میں ارکان کا بیک وقت غیر حاضر ہونا پارٹی قیادت کے لیے ایک بڑا چیلنج بن سکتا ہے
سیاسی تجزیہ کاروں کے مطابق، ناراض ارکان کا یہ بیان کہ "حکومت گرانا مقصد نہیں اس بات کی طرف اشارہ کرتا ہے کہ وہ پارٹی کے اندر رہ کر ہی اپنی قیادت پر دباؤ بڑھانا چاہتے ہیں اور آنے والے دنوں میں پی ٹی آئی کے اندرونی اختلافات مزید شدت اختیار کر سکتے ہیں
No comments:
Post a Comment