مشرقِ وسطیٰ میں کشیدگی: امریکہ کا ایران کے ریڈار سسٹم پر فضائی حملہ، جواب میں ایران نے کویت میں امریکی ائیر بیس پر بیلسٹک میزائل داغ دیے

 

واشنگٹن / تہران 

مشرقِ وسطیٰ Middle East میں جاری کشیدگی ایک بار پھر خطرناک حد تک بڑھ گئی ہے۔ امریکی فضائیہ کے طیاروں نے ایران کے اہم ریڈار سسٹمز کو فضائی حملے کا نشانہ بنایا ہے، جس کے جواب میں ایران نے کویت میں موجود امریکی ائیر بیس پر بیلسٹک میزائلوں اور ڈرونز سے حملہ کر دیا ہے۔ اس جوابی کارروائی سے خطے میں قائم عارضی جنگ بندی کے معاہدے شدید خطرے میں پڑ گئے ہیں

امریکہ کا ایران کے ریڈار سسٹمز پر حملہ

امریکی سینٹرل کمانڈ CENTCOM کے مطابق، امریکی جنگی طیاروں نے ایران کے ساحلی علاقوں میں موجود اہم ریڈار سسٹمز اور ڈرون کمانڈ سینٹرز کو نشانہ بنایا۔ امریکہ کا دعویٰ ہے کہ یہ کارروائی انہوں نے اپنے دفاع Self.Defense میں کی ہے کیونکہ چند روز قبل ایران نے بین الاقوامی فضائی حدود میں پرواز کرنے والے امریکی MQ-1 ڈرون کو مار گرایا تھا امریکی حکام کے مطابق اس فضائی حملے میں ایرانی ائیر ڈیفنس اور گراؤنڈ کنٹرول اسٹیشنز کو شدید نقصان پہنچا ہے

ایران کا جوابی وار: کویت میں امریکی ائیر بیس پر حملہ

امریکی حملے کے فوراً بعد، ایرانی پاسدارانِ انقلاب IRGC نے شدید ردِعمل کا اظہار کیا۔ ایران نے جوابی کارروائی کرتے ہوئے کویت میں موجود امریکی فوج کے اہم مرکز "علی السالم ائیر بیس پر فتح-110' شارٹ رینج بیلسٹک میزائل اور یکطرفہ حملہ کرنے والے (Kamikaze) ڈرونز داغ دیے۔

اگرچہ کویت کے ائیر ڈیفنس سسٹم نے ایرانی میزائلوں اور ڈرونز کو ہوا میں ہی روکنے (Intercept) کی کوشش کی، لیکن تباہ ہونے والے میزائلوں اور ڈرونز کا بھاری ملبہ امریکی ائیر بیس کے اندر جا گرا

نقصانات اور اربوں روپے کے امریکی ڈرونز کی تباہی

فوجی ذرائع اور بین الاقوامی میڈیا رپورٹس کے مطابق، ائیر بیس پر ملبہ گرنے کی وجہ سے وہاں کھڑے قیمتی امریکی فوجی اثاثوں کو شدید نقصان پہنچا ہے

ڈرونز کی تباہی: حملے کے نتیجے میں امریکہ کا ایک انتہائی جدید اور مہنگا MQ-9 Reaper ڈرون مکمل طور پر تباہ ہو گیا جبکہ ایک اور ریپر ڈرون کو شدید نقصان پہنچا۔ ان دونوں ڈرونز کی مالیت کروڑوں ڈالرز بتائی جا رہی ہے

جانی نقصان: ابتدائی اطلاعات کے مطابق ائیر بیس پر موجود کم از کم 5 امریکی فوجی اور سویلین کانٹریکٹرز ملبے کی زد میں آکر معمولی زخمی ہوئے ہیں، جنہیں طبی امداد دی جا رہی ہے

کویت کا بیان: کویت کی وزارتِ خارجہ نے اپنی سرزمین پر ہونے والے اس ایرانی حملے کی شدید الفاظ میں مذمت کی ہے اور اسے اپنی خودمختاری کے خلاف قرار دیا ہے۔

امن مذاکرات اور جنگ بندی خطرے میں

یہ فضائی حملے ایک ایسے وقت میں ہوئے ہیں جب واشنگٹن اور تہران کے درمیان عارضی جنگ بندی کو مزید 60 دن کے لیے بڑھانے کے لیے پسِ پردہ مذاکرات چل رہے تھے امریکی صدر ڈونلڈ ٹرمپ اس ڈیل کو حتمی شکل دینے والے تھے، لیکن اس تازہ ترین تصادم نے دونوں ممالک کے درمیان امن کی کوششوں کو ایک بار پھر سبوتاژ کر دیا ہے اور خطے میں بڑے پیمانے پر جنگ کا خطرہ پیدا ہو گیا ہے