آئندہ بجٹ میں عوام کے لیے بڑا ریلیف: تنخواہ دار طبقے پر ٹیکس کی شرح 35 سے کم کر کے 20 فیصد کرنے کی تجویز

 

اسلام آباد: وفاقی حکومت کی جانب سے آئندہ مالی سال کے بجٹ میں عوام خصوصاً ملازم پیشہ طبقے کو ایک بڑا ریلیف دینے کی تیاریاں کی جا رہی ہیں۔ ذرائع کے مطابق نئے بجٹ میں تنخواہ دار اور غیر تنخواہ دار طبقے پر ٹیکسوں کے بھاری بوجھ کو کم کرنے کے لیے اہم سفارشات مرتب کر لی گئی ہیں

تنخواہ دار طبقے کے لیے ٹیکس میں بڑی کمی

بجٹ تجاویز کے مطابق تنخواہ دار طبقے SalariedClassپر عائد میکسیمم ٹیکس کی شرح کو 35 فیصد سے کم کر کے 20 فیصد کرنے کی تجویز دی گئی ہے۔ اس اقدام سے مہنگائی کے دور میں پسے ہوئے ملازمین کو ماہانہ بنیادوں پر بڑا مالی فائدہ پہنچے گا

غیر تنخواہ دار طبقے کے لیے بھی خوشخبری

بزنس مین اور غیر تنخواہ دار طبقے Non-Salaried Class کو بھی بجٹ میں ریلیف دینے کی سفارش کی گئی ہے۔ تجاویز کے تحت اس طبقے پر ٹیکس کی شرح کو 45 فیصد سے گھٹا کر 25 فیصد کرنے کی تجویز زیرِ غور ہے، جس سے کاروباری سرگرمیوں کو فروغ ملنے کی امید ہے

ماہانہ 80 ہزار کمانے والوں پر کوئی ٹیکس نہیں ہوگا

مڈل کلاس اور کم آمدنی والے افراد کے لیے سب سے بڑی خوشخبری یہ ہے کہ بجٹ میں ماہانہ 80 ہزار روپے تک کی آمدن پر ٹیکس چھوٹ دینے کی سفارش کی گئی ہے۔ اس کا مطلب ہے کہ وہ تمام افراد جن کی ماہانہ تنخواہ یا آمدنی 80 ہزار روپے یا اس سے کم ہے وہ ٹیکس کے دائرے سے باہر ہوں گے اور انہیں کوئی انکم ٹیکس ادا نہیں کرنا پڑے گا

معاشی ماہرین کی رائے

ماہرین کا کہنا ہے کہ اگر ان تجاویز کو بجٹ کا حصہ بنا کر منظور کر لیا گیا تو اس سے نہ صرف عوام کی قوتِ خرید میں اضافہ ہوگا بلکہ مارکیٹ میں پیسے کی گردش بڑھے گی جو معیشت کے لیے مثبت ثابت ہو سکتی ہے۔ تاہم، حتمی فیصلہ بجٹ کی باقاعدہ پیشی اور پارلیمنٹ کی منظوری کے بعد ہی ہوگا