دیرالبلاح. غزہ میں جاری عارضی جنگ بندی کے باوجود اسرائیلی جارحیت کا سلسلہ نہ تھم سکا۔ قابض اسرائیلی افواج کی جانب سے جنگ بندی کی مسلسل خلاف ورزیوں کے نتیجے میں تازہ ترین فائرنگ کے واقعے میں مزید 4 فلسطینی شہید اور متعدد زخمی ہو گئے
مقامی ذرائع کے مطابق اسرائیلی فورسز نے ایک بار پھر نہتے فلسطینیوں کو نشانہ بنایا واقعے کے فوراً بعد چاروں فلسطینیوں کی لاشیں اور شدید زخمیوں کو وسطی غزہ کے علاقے دیرالبلاح میں واقع الاقصی شہداء اسپتال منتقل کیا گیا
اسپتال انتظامیہ اور ریسکیو ذرائع کی تصدیق
الاقصی شہداء اسپتال کی انتظامیہ نے لاشوں اور زخمیوں کی آمد کی تصدیق کرتے ہوئے بتایا کہ زخمیوں میں سے بعض کی حالت تشویشناک ہے جس کی وجہ سے شہداء کی تعداد میں اضافے کا خدشہ ہے ہسپتال میں طبی سہولیات اور ادویات کی شدید قلت کے باوجود زخمیوں کو بچانے کی کوششیں کی جا رہی ہیں
جنگ بندی کے معاہدے پر سوالیہ نشان
عالمی برادری اور ثالثی کرنے والے ممالک کی کوششوں سے قائم ہونے والی جنگ بندی کو اسرائیل کی جانب سے مسلسل نشانہ بنایا جا رہا ہے۔ مقامی لوگوں کا کہنا ہے کہ جنگ بندی کے اعلان کے باوجود فلسطینیوں کو اپنے گھروں کو لوٹنے یا محفوظ مقامات پر منتقل ہونے کے دوران نشانہ بنایا جا رہا ہے، جو عالمی قوانین اور انسانی حقوق کی کھلی خلاف ورزی ہے
No comments:
Post a Comment