مشرقِ وسطٰی میں بڑھتی ہوئی کشیدگی اور جوہری پروگرام پر منڈلاتے خطرات کے پیشِ نظر ایران نے ایک انتہائی اہم اور جارحانہ دفاعی قدم اٹھایا ہے۔ امریکی خبر رساں ادارے سی این این CNN کی رپورٹ کے مطابق ایران نے اپنی ان حساس ترین زیرِ زمین سرنگوں اور تنصیبات کے ارد گرد وسیع پیمانے پر جدید بارودی سرنگیں Landmines بچھا دی ہیں جہاں اعلیٰ سطح پر افزودہ یورینیم Enriched Uraniumذخیرہ کیا گیا ہے۔
بین الاقوامی دفاعی ماہرین کا ماننا ہے کہ ایران کا یہ اقدام ممکنہ فضائی یا کمانڈو حملوں کو روکنے کی ایک بڑی کوشش ہے، کیونکہ ایران کی یہ جوہری تنصیبات طویل عرصے سے اسرائیل اور امریکہ کے نشانے پر رہی ہیں۔
زیرِ زمین سرنگوں کی سیکیورٹی سخت ترین کر دی گئی
رپورٹ کے مطابق، یہ بارودی سرنگیں ایران کے پہاڑی سلسلوں میں واقع ان خفیہ اور مضبوط بنکرز کے اطراف بچھائی گئی ہیں جو عام فضائی حملوں یا بنکر بسٹر بموں سے محفوظ ہیں ان سرنگوں میں ایران کا وہ یورینیم موجود ہے جسے ہتھیاروں کی تیاری کے لیے درکار حد Weapons-grade کے انتہائی قریب تک افزودہ کیا جا چکا ہے
ماہرین کا کہنا ہے کہ زمین دوز راستوں پر بارودی سرنگوں کا یہ جال کسی بھی زمینی دراندازی یا خفیہ آپریشن کو ناکام بنانے کے لیے بچھایا گیا ہے
عالمی برادری اور آئی اے ای اے IAEA کی تشویش
ایران کے اس اقدام نے عالمی طاقتوں اور جوہری توانائی کے عالمی ادارے IAEA کے مابین تشویش کی نئی لہر دوڑا دی ہے۔ عالمی مبصرین کا کہنا ہے کہ جوہری مقامات کے گرد اس قسم کی سخت ترین عسکری ناکہ بندی سے ظاہر ہوتا ہے کہ ایران اپنے جوہری اثاثوں کے تحفظ کے لیے کسی بھی حد تک جانے کو تیار ہے جس سے خطے میں کسی بھی وقت ایک بڑے فوجی ٹکراؤ کا خطرہ بڑھ گیا ہے
تاہم، ایرانی حکام کی جانب سے ہمیشہ یہ مؤقف اختیار کیا جاتا رہا ہے کہ ان کا جوہری پروگرام مکمل طور پر پرامن مقاصد کے لیے ہے لیکن وہ اپنی خودمختاری اور قومی اثاثوں کی حفاظت کے لیے تمام دفاعی اقدامات کا حق رکھتے ہیں
No comments:
Post a Comment