چکوال واقعہ مسٹیکن آئیڈنٹٹی' کا کیس تھا، سی سی ڈی کی پریسں کانفرنس میں بڑا اعتراف

 

چکوال میں ڈاکوؤں کی جانب سے فیملی کو یرغمال بنائے جانے کے واقعے پر سی سی ڈی CCD نے پریس کانفرنس کرتے ہوئے بڑا اعتراف کر لیا ہے حکام کا کہنا ہے کہ فائرنگ کا یہ واقعہ غلط فہمی یا مسٹیکن آئیڈنٹٹی Mistaken Identity کے نتیجے میں پیش آیا

واقعہ کیسے پیش آیا حکام کی وضاحت

سی سی ڈی حکام نے پریس کانفرنس کے دوران واقعے کی تفصیلات بتاتے ہوئے واضح کیا کہ انہیں اطلاع ملی تھی کہ چکوال میں ڈاکوؤں نے ایک فیملی کو یرغمال بنا رکھا ہے اطلاع ملتے ہی جب سی سی ڈی کی ٹیم موقع پر پہنچی تو پہلا فائر ڈاکوؤں کی طرف سے کیا گیا

اس شدید فائرنگ اور افراتفری کے دوران متاثرہ خاندان کی گاڑی دوسری طرف نکلنے لگی۔ سی سی ڈی اہلکاروں نے اندھیرے یا صورتحال کی سنگینی کے باعث یہ سمجھا کہ ڈاکو فیملی کی گاڑی چھین کر فرار ہو رہے ہیں، جس پر اہلکاروں نے گاڑی پر فائرنگ کر دی ہم سے غلطی ہوئی سی سی ڈی کا اعتراف

حکام نے میڈیا کے سامنے اس بات کا کھل کر اعتراف کیا کہ متاثرہ خاندان کی گاڑی پر فائرنگ کرنا ایک بڑی غلطی تھی اور یہ خالصتاً مسٹیکن آئیڈنٹٹی کا کیس ہے ان کا کہنا تھا کہ اہلکاروں کا مقصد ڈاکوؤں کو روکنا تھا لیکن صورتحال کو صحیح طرح نہ سمجھ پانے کی وجہ سے یہ افسوسناک غلطی ہوئی

حکام نے مزید کہا کہ واقعے کی مکمل انکوائری کی جا رہی ہے اور حقائق کو سامنے لا کر قانون کے مطابق کارروائی عمل میں لائی جائے گی