امریکہ کے 250 ویں یومِ آزادی کی تقریب: پاکستانی وفاقی وزیر اور امریکی سفیر کی ویڈیو سوشل میڈیا پر وائرل

 

اسلام آباد: امریکہ کے 250 ویں یومِ آزادی Semiquincentennial کے موقع پر وفاقی دارالحکومت میں قائم امریکی سفارت خانے میں ایک پروقار تقریب کا انعقاد کیا گیا، جس میں وزیر اعظم پاکستان اور وفاقی وزراء سمیت اعلیٰ حکومتی شخصیات نے شرکت کی۔ تاہم، اس وقت سوشل میڈیا پر اس تقریب کی ایک مبینہ ویڈیو اور تصاویر تیزی سے وائرل ہو رہی ہیں، جس نے ایک نئی بحث کو جنم دے دیا ہے

سوشل میڈیا پر وائرل ویڈیو کا تنازع

سوشل میڈیا پلیٹ فارمز ایکس فیس بک اور ٹک ٹاک پر وائرل ہونے والی ایک ویڈیو کلپ میں دیکھا جا سکتا ہے کہ تقریب کے دوران ایک پاکستانی وفاقی وزیر، امریکی خاتون سفیر سے مصافحہ ہاند ملانا کر رہے ہیں۔

صارفین کی جانب سے یہ دعویٰ کیا جا رہا ہے کہ وفاقی وزیر نے مصافحہ کے دوران کافی دیر تک خاتون سفیر کا ہاتھ تھامے رکھا، جس پر سوشل میڈیا صارفین نے مختلف تبصرے شروع کر دیے ہیں۔ کئی صارفین اس پر تنقید کر رہے ہیں اور اسے سفارتی آداب کے منافی قرار دے رہے ہیں، جبکہ کچھ صارفین اسے محض ایک عام سفارتی ملاقات کا حصہ قرار دے رہے ہیں

تقریب کی دیگر تفصیلات

واضح رہے کہ امریکہ کی 250 ویں سالگرہ کی اس اہم تقریب میں وزیر اعظم پاکستان نے بطور مہمانِ خصوصی شرکت کی اور دونوں ممالک کے مابین دیرینہ تعلقات اور مختلف شعبوں میں تعاون کو فروغ دینے کی ضرورت پر زور دیا تقریب میں حکومتی وزراء کی ٹیم بھی موجود تھی جنہوں نے امریکی سفارتی عملے کو اس تاریخی دن پر مبارکباد پیش کی

سفارتی پروٹوکول اور عوامی ردعمل

سیاسی اور سفارتی حلقوں میں اس طرح کی ویڈیوز پر ملا جلا ردعمل دیکھنے کو ملتا ہے جہاں ایک طرف سوشل میڈیا پر اس واقعے کو تنقید کا نشانہ بنایا جا رہا ہے وہیں دوسری طرف ماہرینِ سفارت کاری کا کہنا ہے کہ بین الاقوامی تقاریب میں بعض اوقات کیمرے کے زاویوں Angles کی وجہ سے مناظر کو مختلف رنگ دے دیا جاتا ہے

تاہم، اس مبینہ واقعے پر اب تک نہ تو متعلقہ وزارت کی طرف سے کوئی موقف سامنے آیا ہے اور نہ ہی امریکی سفارت خانے نے اس پر کوئی باضابطہ بیان جاری کیا ہے