رپورٹ روزنیو8 صوبائی دارالحکومت لاہور میں عید کے موقع پر شہریوں سے زبردستی عیدی اور پیسے بٹورنے والے پولیس اہلکاروں کے خلاف محکمہ نے انتہائی سخت اور تاریخی اقدام اٹھا لیا ہے۔ محکمہ پولیس کی ساکھ کو نقصان پہنچانے والے اہلکاروں کے خلاف عام جرائم کے بجائے بھیک مانگنے کی دفعات کے تحت مقدمات درج کر لیے گئے ہیں
ڈی آئی جی آپریشنز لاہور، فیصل کامران نے اس حوالے سے سخت موقف اپناتے ہوئے واضح کیا ہے کہ عوام سے پیسے مانگ کر محکمہ پولیس کی عزت اور ساکھ خراب کرنے والوں کے ساتھ کسی قسم کی رعایت نہیں برتی جائے گی ایسے بھکاریوں کی پولیس میں کوئی جگہ نہیں
میڈیا سے گفتگو کرتے ہوئے ڈی آئی جی آپریشنز فیصل کامران کا کہنا تھا کہ اختیارات سے تجاوز کرنے والے اور شہریوں کو ہراساں کر کے عیدی مانگنے والے اہلکار پولیس فورس کا حصہ کہلانے کے لائق نہیں ہیں۔ انہوں نے سخت الفاظ میں کہ ایسے بھکاریوں اور اپنے اختیارات کا ناجائز فائدہ اٹھانے والوں کی پولیس میں کوئی جگہ نہیں فورس کا نام داغدار کرنے والے کالی بھیڑوں کے خلاف سخت قانونی اور محکمانہ کارروائی کا سلسلہ ہر صورت جاری رہے گا
شہریوں میں فیصلے کا خیرمقدم
عید کے اجتماعات اور اہم شاہراہوں پر تعینات کچھ اہلکاروں کی جانب سے شہریوں کو روک کر عیدی مانگنے کی شکایات سامنے آئی تھیں جس پر فوری ایکشن لیتے ہوئے مقدمات درج کیے گئے لاہور کے شہریوں نے ڈی آئی جی آپریشنز کے اس جرات مندانہ فیصلے کا بھرپور خیرمقدم کیا ہے اور امید ظاہر کی ہے کہ اس اقدام سے پولیس کے رویے میں مثبت تبدیلی آئے گی
محکمہ پولیس کے اعلیٰ حکام کا کہنا ہے کہ شہریوں کی عزتِ نفس کی حفاظت اور پولیس فورس کو کرپشن سے پاک کرنا ان کی اولین ترجیح ہے، اور مستقبل میں بھی ایسے عناصر کے خلاف زیرو ٹالرنس Zero Tolerance کی پالیسی اپنائی جائے گی
No comments:
Post a Comment