ثاقب چدھڑ کا وضاحتی بیان مومنہ اقبال سے رابطے کی خبروں پر خاموشی توڑ دی

 

پاکستانی سوشل میڈیا اور شوبز حلقوں میں گزشتہ چند دنوں سے مومنہ اقبال اور لیگی ایم پی اے ثاقب چدھڑ کے حوالے سے مختلف خبریں گردش کر رہی تھیں ان خبروں کے بعد ثاقب چدھڑ نے پہلی بار کھل کر اپنا مؤقف پیش کرتے ہوئے کئی اہم دعوے کیے ہیں

اپنے وضاحتی بیان میں ثاقب چدھڑ نے کہا کہ ان کا مومنہ اقبال سے گزشتہ آٹھ ماہ سے کوئی رابطہ نہیں ہے۔ انہوں نے واضح کیا کہ نہ انہوں نے حالیہ دنوں میں اداکارہ کو کال کی اور نہ ہی کسی قسم کا رابطہ رکھنے کی کوشش کی

ثاقب چدھڑ کے مطابق میرے پاس تمام ریکارڈ موجود ہے اگر میں نے کوئی کال کی ہے تو اس کے ثبوت سامنے لائے جائیں انہوں نے الزام لگایا کہ مومنہ اقبال اس معاملے میں ویمن کارڈ استعمال کر رہی ہیں تاکہ اصل حقیقت کو تبدیل کیا جا سکے

انہوں نے مزید بتایا کہ مومنہ اقبال کے ہونے والے شوہر نے ان کے موبائل فون میں ایک ویڈیو دیکھی، جس کے بعد وہ شدید غصے میں آگئے اور انہیں فون کر کے دھمکیاں دیں ثاقب چدھڑ کا کہنا تھا کہ انہوں نے اس معاملے کو سنجیدگی سے لیتے ہوئے متعلقہ تھانے میں درخواست بھی جمع کروا دی ہے تاکہ قانونی طور پر ریکارڈ محفوظ رکھا جا سکے

بیان میں انہوں نے یہ بھی کہا کہ انہیں بعد میں معلوم ہوا کہ مومنہ اقبال جلد شادی کرنے جا رہی ہیں ان کے مطابق اداکارہ کی والدہ نے بھی ان سے رابطہ کیا اور معذرت کی

یہ معاملہ سامنے آنے کے بعد سوشل میڈیا پر نئی بحث چھڑ گئی ہے کچھ صارفین ثاقب چدھڑ کے مؤقف کو درست قرار دے رہے ہیں، جبکہ بعض افراد مومنہ اقبال کے حق میں بھی آواز اٹھا رہے ہیں

اب تک مومنہ اقبال کی جانب سے اس وضاحتی بیان پر کوئی باضابطہ ردِعمل سامنے نہیں آیا، تاہم سوشل میڈیا صارفین اس معاملے پر مسلسل تبصرے کر رہے ہیں