اسلام آباد پاور ڈویژن نے بجلی کے صارفین کے لیے ایک انتہائی اہم اور ہنگامی ایڈوائزری جاری کی ہے، جس میں شہریوں کو بجلی کے بلوں پر موجود کیو آر (QR) کوڈز کو اسکین کرنے کے حوالے سے شدید احتیاط برتنے کی ہدایت کی گئی ہے
ایڈوائزری کے مطابق، ملک بھر میں ہیکرز سرگرم ہو چکے ہیں جو بجلی کے بلوں اور سبسڈی کے نام پر شہریوں کو لوٹنے کی کوشش کر رہے ہیں
ذاتی معلومات چوری ہونے کا شدید خطرہ
پاور ڈویژن کا کہنا ہے کہ صارفین سبسڈی حاصل کرنے کے لالچ میں کسی بھی غیر تصدیق شدہ ڈیجیٹل پلیٹ فارم، لنک یا کاغذ پر اپنی ذاتی اور مالی معلومات ہرگز درج نہ کریں ہیکرز ان طریقوں کا استعمال کر کے صارفین کا ڈیٹا چوری کر رہے ہیں، جس سے بینک اکاؤنٹس اور موبائل والٹس ہیک ہونے کا خدشہ ہے
یہ طریقہ کار بالکل غلط اور غیر قانونی ہے
حکام نے واضح کیا ہے کہ بجلی کے بلوں پر کسی بھی قسم کی سبسڈی کے لیے اس طرح کا کوئی ڈیجیٹل اسکیننگ کا طریقہ کار حکومت کی طرف سے متعارف نہیں کروایا گیا، اور یہ مکمل طور پر غلط اور غیر قانونی ہے
پاور ڈویژن نے عوام سے اپیل کی ہے کہ وہ کسی بھی قسم کے جھانسے میں نہ آئیں اور اپنے بلوں کی ادائیگی اور سبسڈی سے متعلق معلومات کے لیے صرف اور صرف قریبی متعلقہ بجلی کمپنی کے دفاتر یا ان کی آفیشل ہیلپ لائن سے رجوع کریں
No comments:
Post a Comment