پی ٹی آئی کا ملک گیر احتجاج کا اعلان موجودہ عدالتوں سے انصاف ممکن نہیں اسد قیصر کا شدید ردعمل

 اسلام آباد پاکستان تحریک انصاف (PTI) کے سینئر رہنما اور سابق اسپیکر قومی اسمبلی اسد قیصر نے ملک کی موجودہ عدالتی صورتحال پر گہری مایوسی کا اظہار کرتے ہوئے اس جمعہ کو پورے پاکستان میں بھرپور احتجاج کا اعلان کر دیا ہے

میڈیا سے گفتگو کرتے ہوئے ان کا کہنا تھا کہ جس طرح کا رویہ عدالتوں کی جانب سے سامنے آ رہا ہے، اس سے یہ بات اب کھل کر واضح ہو چکی ہے کہ ان عدالتوں سے اب انصاف کی امید ممکن نہیں رہی اسی بنا پر پارٹی نے سڑکوں پر نکلنے کا فیصلہ کیا ہے احتجاج کے 4 بنیادی نکات Four 

Points

اسد قیصر نے بتایا کہ اس جمعہ کو پورے پاکستان میں جن 4 اہم ترین مسائل پر احتجاج ریکارڈ کروایا جائے گا وہ درج ذیل ہی 

عمران خان کی صحت اور آنکھ کا مسئلہ بانی پی ٹی آئی عمران خان کی جیل میں صحت اور خاص طور پر ان کی آنکھ کے علاج کے حوالے سے تشویش

مہنگائی اور پٹرول کی قیمتیں پٹرولیم مصنوعات کی قیمتوں میں اضافے اور بے لگام مہنگائی کی وجہ سے عام شہری کی بڑھتی ہوئی مشکلات

بجلی کی لوڈشیڈنگ: ملک بھر میں جاری بجلی کی طویل اور غیر اعلانیہ لوڈشیڈنگ کے خلاف آواز اٹھانا

لاء اینڈ آرڈر کی صورتحال ملک میں امن و امان کی مجموعی اور تشویشناک حد تک خراب ہوتی ہوئی صورتحال پر احتجاج

اسد قیصر کا مؤقف عوام پٹرول، بجلی اور مہنگائی کی چکی میں پس رہے ہیں اور دوسری طرف امن و امان کا جنازہ نکل چکا ہے ان حالات میں خاموش نہیں بیٹھا جا سکتا، اس لیے اس جمعہ کو پاکستان کے عوام اپنے حقوق کے لیے باہر نکلیں گے