اسلام آباد. وفاقی حکومت نے مالی سال 2026-27 کا سالانہ بجٹ 5 جون بروز جمعہ کو قومی اسمبلی میں پیش کرنے کا حتمی فیصلہ کر لیا ہے۔ اس سلسلے میں صدرِ پاکستان نے آئینی اختیارات کا استعمال کرتے ہوئے قومی اسمبلی کا اہم ترین بجٹ اجلاس 5 جون جمعہ کی شام 5 بجے طلب کر لیا ہے
ذرائع کے مطابق وفاقی وزیرِ خزانہ 5 جون کو قومی اسمبلی کے خصوصی اجلاس میں نئے مالی سال کا بجٹ پیش کریں گے، جس میں معاشی ترقی، ٹیکس اہداف، اور عوامی ریلیف کے حوالے سے اہم ترین اعلانات متوقع ہیں
بجٹ کی تیاریاں آخری مراحل میں
وزارتِ خزانہ اور متعلقہ اداروں کی جانب سے بجٹ دستاویزات کو حتمی شکل دی جا رہی ہے۔ معاشی ماہرین کا کہنا ہے کہ آنے والا بجٹ ملکی معیشت کے استحکام آئی ایم ایف IMF کے پروگرام کی شرائط اور عوام کو مہنگائی سے ریلیف فراہم کرنے کے متوازن اہداف پر مبنی ہوگا۔ بجٹ اجلاس میں حکومت کی جانب سے مختلف شعبوں کے لیے سبسڈیز اور ترقیاتی پروگرامز PSDP کے لیے بھی فنڈز مختص کیے جائیں گے۔
پارلیمانی کارروائی کا شیڈول
5 جون کو بجٹ پیش کیے جانے کے بعد قومی اسمبلی کے اس اجلاس میں بجٹ پر عام بحث کا آغاز ہوگا جس میں حکومت اور اپوزیشن دونوں بینچوں کے ارکان حصہ لیں گے بحث مکمل ہونے اور کٹوتی کی تحریکوں پر رائے شماری کے بعد رواں ماہ کے آخر تک بجٹ کی حتمی منظوری دی جائے گی، جس کے بعد یکم جولائی سے نیا مالی سال اور اس کے قواعد لاگو ہوں گے
No comments:
Post a Comment