لاہور: وزیراعلیٰ پنجاب مریم نواز شریف نے عید الاضحیٰ کے دوران صوبہ بھر میں صفائی کے مثالی انتظامات کو برقرار رکھنے اور دن رات محنت کرنے والے ستھرا پنجاب مہم کے ورکرز کے لیے بڑے انعام کا اعلان کر دیا ہے وزیراعلیٰ کی جانب سے عید پر فرض شناسی کا مظاہرہ کرنے والے تمام سینیٹیشن ورکرز کو 10، 10 ہزار روپے بطور کیش پرائز انعام دیے جائیں گے
وزیراعلیٰ مریم نواز شریف نے اپنے ایک خصوصی بیان میں صفائی کے عملے کی کارکردگی کو سراہتے ہوئے کہا کہ عید الاضحیٰ جیسے بڑے اور چیلنجنگ موقع پر پنجاب کے تمام شہروں، قصبوں اور دیہاتوں کو صاف ستھرا رکھنا ایک بڑا کارنامہ ہے انہوں نے کہا کہ شدید گرمی اور حبس کے باوجود جس طرح ورکرز نے آلائشوں کو فوری طور پر ٹھکانے لگایا اور گلی محلوں کو صاف کیا وہ قابلِ تحسین ہے
مریم نواز شریف کا مزید کہنا تھا کے یہ ورکرز ہمارے اصل ہیرو ہیں جو عید کے دنوں میں اپنے خوشیاں قربان کر کے عوام کی خدمت میں مصروف رہے ان کی محنت کی بدولت ہی ستھرا پنجاب کا خواب حقیقت بن رہا ہے
وزیراعلیٰ نے متعلقہ حکام کو ہدایت جاری کی ہے کہ انعام کی رقم کی شفاف اور فوری تقسیم کو ہر صورت یقینی بنایا جائے تاکہ ورکرز کی حوصلہ افزائی ہو سکے عوامی سطح پر بھی اس فیصلے کو انتہائی سراہا جا رہا ہے کیونکہ اس سے فرنٹ لائن ورکرز کا مورال بلند ہوگا
No comments:
Post a Comment