زید حامد کا بانی پی ٹی آئی اور علی امین گنڈاپور پر شدید غصہ، بڑا بیان سامنے آگیا

 

راولپنڈی: معروف دفاعی تجزیہ کار زید حامد نے پاکستان تحریک انصاف (PTI) کی قیادت اور خیبر پختونخوا کے وزیر اعلیٰ علی امین گنڈاپور کے حالیہ بیانات پر سخت برہمی کا اظہار کرتے ہوئے شدید تنقید کی ہے۔

سوشل میڈیا پر اپنے ایک سخت بیان میں زید حامد کا کہنا تھا کہ یہ انتہائی افسوسناک بات ہے کہ کچھ لوگ اپنے سیاسی مفادات کے لیے بات بات پر ملک کو نقصان پہنچانے اور پاکستان توڑنے کی دھمکیاں دینا شروع کر دیتے ہیں۔ انہوں نے ماضی کا حوالہ دیتے ہوئے کہا کہ پہلے عمران خان نے بھی یہ بیان دیا تھا کہ پاکستان کے تین ٹکڑے ہو جائیں گے، اور اب ان کے نقش قدم پر چلتے ہوئے ان کے وزیر اعلیٰ بھی ایسی ہی زبان استعمال کر رہے ہیں۔

زید حامد نے کے پی کے کے وزیر اعلیٰ علی امین گنڈاپور کو آڑے ہاتھوں لیتے ہوئے کہا کہ صرف اس بات پر ملک توڑنے کی دھمکی دی جا رہی ہے کہ انہیں جیل میں عمران خان سے ملاقات نہیں کرنے دی جا رہی۔ انہوں نے اس رویے کو شدید غیر ذمہ دارانہ قرار دیا۔

دفاعی اور سیاسی حلقوں میں زید حامد کے اس بیان کو کافی اہمیت دی جا رہی ہے اور سوشل میڈیا پر بھی اس حوالے سے ایک نئی بحث چھڑ گئی ہے۔