ایران اور امریکا معاہدہ تہران نے چین سے مضبوط ترین سیکیورٹی ضمانتیں مانگ لیں

 

بین الاقوامی ڈیسک: ایران اور امریکہ کے درمیان مستقبل میں ہونے والے کسی بھی ممکنہ معاہدے کو پائیدار بنانے کے لیے تہران نے ایک بڑا سفارتی کارڈ کھیل دیا ہے عرب خبر رساں ادارے العربیہ کی رپورٹ کے مطابق، ایران نے امریکہ کے ساتھ معاہدے کی صورت میں چین سے مضبوط اور حتمی ضمانتیں فراہم کرنے کا مطالبہ کیا ہے

یورینیم کی چین منتقلی اور تہران کا پلان

العربیہ کی رپورٹ میں انکشاف کیا گیا ہے کہ اس ممکنہ معاہدے کے تحت ایران اپنے پاس موجود انتہائی افزودہ یورینیم Highly Enriched Uranium کو چین منتقل کرنے کا خواہاں ہے۔ تہران کا موقف ہے کہ وہ اپنی جوہری صلاحیت کا یہ اہم حصہ صرف اسی صورت میں منتقل کرے گا جب چین اس پورے عمل کی سیکیورٹی اور معاہدے کے تحفظ کی ذمہ داری لے گا

چین کو ضامن بنانے کی وجہ کیا ہے

ماضی کے تجربات کو مدنظر رکھتے ہوئے، تہران اس بار کسی بھی قسم کا رسک لینے کے موڈ میں نہیں ہے۔ رپورٹس کے مطابق

امریکی وعدہ خلافیوں کا سدباب ایران کا ماننا ہے کہ امریکہ مستقبل میں دوبارہ معاہدے سے پیچھے ہٹ سکتا ہے جیسا کہ ماضی میں ہوا اس واشنگٹن کی ممکنہ وعدہ خلافیوں کو روکنے کے لیے چین کا ضامن ہونا ناگزیر ہے

بیجنگ کا عالمی اثر و رسوخ چین چونکہ اقوامِ متحدہ کی سلامتی کونسل کا مستقل رکن ہے اور ایران کا قریبی اقتصادی شراکت دار بھی اس لیے تہران بیجنگ کی ضمانت کو سب سے زیادہ قابلِ بھروسہ سمجھتا ہے

معاہدے کا مستقبل: العربیہ کے ذرائع کا کہنا ہے کہ جب تک چین کی جانب سے ایران کو حتمی سیکیورٹی ضمانتیں موصول نہیں ہو جاتیں، تب تک امریکہ اور ایران کے درمیان مذاکرات اور یہ معاہدہ آگے نہیں بڑھ سکے گا